。。。。
不是三言二語説得清😂
光是波動也是粒子
簡而言之，我們無法《剎停》一個光子，普遍接受光子是沒有《靜止》質量。但能量也是質量。
牛頓力學講的是動量，動量對時間微分就是力。動量與速度同為矢量方向相同，所以經典力學可以認為動量與速度之比就是質量。嚴格點，這是慣性質量。光是波動時，它的動量與能量掛鉤。能量與動量之比是光的速度。
如光子有《靜止質量》，那麽量子力學就會杏加橙，這樣深奧的我不懂。😂😂😂😂
我們的啟蒙物理學是尊牛頓為大佬，他傳授的世界觀是機械的連續的決定論的：即大佬發毒誓話任何系統只要有参數有初始條件就可推算系统的過去未來，準過麥玲玲，大佬緊係用因萍果而來的萬有引力定律及運動三定律，大佬呢套秘訣在宏觀低速世界近乎天下無敵，雖然在超距作用受到質疑。。。。
大佬江湖地位無人可比，微積分，煉金術，聖經密碼，連共濟會都有佢份；但科學發展嘅新項目，開始動搖佢果套法寶。。。
首先我最崇拜嘅愛sir挑戰佢嘅時空觀及超距瞬時作用，及接近光速的物理世界。。。
物體之間嘅萬有引力只考慮大家距離嘅平方，無論幾遠，其引力係即時產生。。。
愛sir果二套相對論，簡直係物理界嘅六指琴魔，大佬果二式七旋斬，就被局限在打動作緩慢嘅巨人，打身手敏捷跑得快嘅就要愛sir出山。。。。。
愛sir話引力係空間嘅曲率，因巨大質量形成，咁樣就好巧妙秘殺超距瞬時作用。。
但係大佬響物理界嘅江湖地位絲毫沒有因中意用個腦做《實驗》嘅愛sir掠奪去，佢仲係好安詳咁瞓響西敏寺入面。。。
但物理俱樂部班頑童，仲係周圍摷嘢玩，無啦啦玩埋D肉眼睇唔到嘅嘢。。。。
有波子唔玩玩原子，又玩輻射，發現電與磁嘅世界，微觀世界，同大佬嘅七旋斬相去更遠。。。
原子細細粒，又話有個核又話有D叫電子嘅嘢響度菊花園，啲輻射又話出得唔順，窒下窒下咁射出去，咁啲頑童就話啲能量好似雲吞咁係一粒粒個別獨立嘅，叫量子。。。
有個俾人屈佢中意貓嘅薛頑童，無啦啦攪左條方程式出嚟《好似話到依架都証明唔到，只係經驗方程式》，叫波動力學。。。。
仲有，亞愛sir果諾貝爾獎係講光電效應，有光子份架，並不是六指琴魔絕藝。。。
我相信果陣真係無乜人明相對論，但又覺得愛sir好叉勁，是但搵啲嘢送個獎俾佢。。。
言歸正傳，薛生個波動方程係量子力學嘅先驅。。
愛sir只係用一張半A4紙解釋一個實驗事實結果就有獎攞。。
將光照射金屬表面有電子放出，就係咁簡單。。
薛生嘅波動製作了一個叫波函數嘅怪物。。
一個系统嘅波函數包括整個系统嘅所有資訊，只要將持定運算子《通常係帶微分運算的數學式子》作用在波函數上，就可《抽出》所要的訊息。。。
波函數好似你屋企電視機條天線，你開唔開部電視，條天線都已經接收左所有臺的訊號，個選臺制就是運算子，要乜臺選乜臺。。
當然，薛生只係其中一個量子力學嘅表達方式，其他仲有狄頑童及費頑童，佢地中意玩矩陣，叫矩陣力學。波函數嘅物理意義都有爭議性，有可能同機率有關。
牛頓世界，大佬話一就無人話二，量子宇宙，你用乜嘢心態去睇佢，佢就俾啲乜嘢你睇，好似萬花筒。。。
我都只係玩過薛生果款，矩陣太勁，未見過。。
我當年曾經動用所有裁判法院檢控科所有電腦計左三個月，唔好話俾人知。。。
此理論嘅工具性很強，與實驗結果極相符。。
矩陣與波函數係不同出發點得到，但他們是等效的。。
只係微觀高速世界。。。
我忘了告訴你，愛sir最勁就係諗得到《等效原理》，它是廣義相對論的靈魂。。。
